راح اعطيكم وصفه حق
شي تقريبا يعاني منه كثير من البنات
واهو السواد في بعض مناطق الجسم مثل الركبه او باطن الفخذين او الابط
اهي وصفه طبيعيه وانا مجربتها والحمدلله لاحظت فرق واضح خلال اسبوعين مع اني ماانتظمت عليه
مرات اتكاسل واخليه
بس مع الاهتمام صدقوني راح تبين النتيجه يمكن اقل من اسبوعين
الوصفه :
طبعا الوصفه سويتها بكميه كبيره علشان تكفيني لفتره طويله شوي
مع انه عادي تحطين ليمونه وحده ويوم يخلص تسوين وحده ثانيه بس انا كثرت القادير
3 ليمون
5 ملاعق زيت الزيتون
5 ملاعق زيت اللوز الحلو
للعلم : عادي لو تستغنون عن زيت اللوز اذا مو متوافر عندكم .... اهم شي في الوصفه الليمون
المهم تخلطون هالثلاث اشياء مع بعض وتحطونها في قنينة ماي فاضيه وتحطونه بالثلاجه
وكل يوم بالليل تبللين قطنه صغيره من هالوصفه وتدهنين المنطقه اللي تبينها وترقدين فيه لحد الصبح اذا قمتي تغسلينه
لضمان المفعول
وتراه يحرق وايد وتحسون بوخز بس معليه تحملوا شوي عقب بيروح واذا ماصبرتوا وحسيتوا انه يحرق وايد
خلوه لمدة ربع ساعه او بالكثير نص ساعه
مع اني اشوف لو تخلونه للصبح احسن علشان تطلع النتيجه بسرعه
قولوا لي بعدين النتايج
واتمنى انكم تستفيدون من هالموضوع وانا مانزلته الا علشان افيدكم
لاني عارفه انه فيه بنات وايد يعانون من هالمشكله
نصايح لتفادي السواد في المنطقه الحساسه وفي باطن الفخذين :
1- تنشيف المنطقه بكلينكس بعد كل غسله لان الماء يساعد على نمو الفطريات
2- عدم غسل هالمنطقه بالصابون لان الصابون يسبب لها جفاف وبعد يقتل الباكتريا النافعه
فيه نوعين من الباكتريا ضاره ونافعه اهو يقتل النافعه
3- لبس ملابس داخليه قطنيه 100 % لان النايلون يزيد من سواد المنطقه والقطني يمتص العرق اكثر بدون مايسود المنطقه
4- تبديل الملابس الداخليه 2 الى 3 في اليوم الواحد
5- غسل الملابس الداخليه بروحها وانتبهوا اذا كانت الخدامه اهي اللي تغسل ملابسكم ترى بعضهم مايهمهم النظافه اهم شي تقط الملابس مع بعض وتخلص لو تغشل 4 اشخاص في ماي واحد فانتبهوا منهم وحاولوا ان انتوا اللي تغسلون ملابسكم الداخليه
6- تحملوا تقربون اي نوع من العطور لها المنطقه لان العطور تزيد من سوادها بعد وبعدين كلها مواد كحوليه يعني تضر البشره
موضوع: وصفة لتبييض الاماكن الداكنة في الجسم.. 
الأربعاء أغسطس 11, 2010 4:05 pm
