قصيدة شاعر ورسام

قصيده : شاعر و رسام

--------------------------------------------------------------------------------

ردت ارسم لوحه لحسين الذبيح
حته كل الناس تفهم قصته
ومثل ما عيسه يرمزوله ابصليب
وحنه ندري الكوم ابد ماصلبته
كلت ارسم رمح ورسم فوكه راس
وكتب القران كله ابجبهته
............
ولاتظن رمح الرفع راس الحسين
رمح عالي والعده بي شالته
هذا جبريل ونزل من السماء
اشبهلهم رمح شايل هامته
..........
ونزلت املاك السمه صلت عليك
ونبياء ورسل راسك قبلتـه
ويمك اجمعوا اصحاب الكساء
وامك الزهراء راسك حضنتـه
.................
وانصب مأتم عزائك بالطفوف
اسيا ومـريم وحـور الحضرتـه
وحته عزرائيل ناح بعالي صوت
وجرت فوك الوجن من دم دمعته
ماقبضت الروح صاح اني بريئ
ولا عدي كــل علم بمصيبته
بيده رب الكون جل شئنه وعلاه
قبض روحه اكراما التضحيته
..................
ومنهو كال انسه طفك ياحسين
وشيعتك عاشور ثوب ولبسته
والخميس الطبك-تتعنه وتجيك
وليلة الوحشه ابضريحك حجته

منقوووول

شكرا لك على الابداع المتواصل